МахМаra компаниясига ўтган асрнинг 50-йилларида асос солинган. Етакчи брендлар фақат оқсуяклар ва юлдузлар учун мода либосларини яратаётган бир пайтда ушбу фирма асосчиси Акилле Марамотти барча тоифадаги фуқаролар сотиб олиши мумкин бўлган оддий, лекин бежирим либосларни ярата бошлайди. XIX асрнинг охирида Реджио Эмилия шаҳрида фирма асосичиси Акилле Марамоттининг катта бувиси аёллар учун кийим тиккан. Кейин унинг онаси профессионал бичиш-тикиш мактабини яратади. Акилле эса оилавий анъанани давом эттиради. 

Куз мавсуми ҳам яқинлашиб қолди, ёзнинг сўнгги ҳафталари бир зумда ўтиб кетади. Ўзгарувчан об-ҳаволи куз фаслини шай ҳолда кутиб олиш лозим. Енгил курткалар айнан шундай об-ҳавода бизга ёрдамга келади. Пойтахтимиздаги кўпгина дўконлар янги кузги тўпламларни савдога чиқаришга ҳам улгуришди, ўтган мавсумдан қолганларини эса чегирмалар билан сотишмоқда.

Casual услубининг энг асосий қоидаси – бу ҳеч қандай қоиданинг йўқлиги. Бунда ҳар қандай дресс-код унга қўрқинчли эмас. Ушбу услуб доирасида ҳатто бир-бирига зид бўлган классика ва кундалик, ҳиссиётлилик ва ғайратлилик каби тушунчалар ўзаро уйғунлашиб кетган. Casual style га, ҳатто, катта пулга эга бўлмасдан туриб ҳам осонгина амал қилиш мумкин. Буларнинг барчаси casual либосларини бутун дунё бўйлаб долзарб ва оммабоп қилмасдан қўймади, албатта.

Хитойда бўлиб ўтган 2011 йил баҳор-ёз мавсуми мода ҳафталиги жаҳон элитаси ва мода танқидчиларининг эътиборини жалб этди. Гонконгда ўтказиладиган анъанавий мода ҳафталиги ўзининг аҳамияти ва Осиё мода маданиятининг ривожига қўшадиган ҳиссаси бўйича энг йирик ҳисобланади. Айтиш жоизки, бир нечта намойиш Осиё пойтахтининг руҳи ва анъаналарига мос тарзда ўтди.

Замонавий қиз образини чиройли сумкадан ҳам яхшироқ тўлдирадиган ва унга урғу берадиган яна нима бўлиши мумкин? Айнан шу боис ҳар бир қиз ҳар қандай ҳаётий вазиятга мос тушадиган бежирим сумкаларни харид қилишни истайди. Жорий мавсумда дизайнерлар ушбу аксессуарнинг кўплаб турли-туман вариантларини таклиф этишмоқда. Йирик сумкалардан тортиб, то жажжи клатчларгача, табиий чармдан тортиб, то текстилгача, классик ранглардан тортиб, то кўзни қамаштирадиган ёрқин рангларгача – буларнинг барчаси ушбу мавсумда жуда долзарб.

Аёлларникидан фарқли ўлароқ эркаклар жинсиси образнинг унчалик ёрқин ва мустақил детали ҳисобланмайди. Эркаклар жинси шимининг етарли даражадаги оддий бичими ва фурнитуранинг йўқлиги шундан далолат беради. Эркаклар жинси шими – бу замонавий эркакнинг асосий буюмларидан бири бўлиб, у кишини ўзига тортмаслиги, аммо шу билан бирга сиз истаётган образни яратиши лозим. Жинсиларнинг услуби турли-туман бўлиши мумкин, аммо асосийси шим сиз учун иложи борича қулай бўлиши шарт.

Ҳар бир аёлнинг юрагида чиройли пойабзалга бўлган иштиёқ яшайди. Бу йилги мавсум ғаройиб моделлар, ультрабаланд пошналар, мураккаб дизайн ва кўзга ташланадиган безакларга бой. Турли-туман аёллар пойабзали орасида осонгина ўзингизни йўқотиб қўйишингиз ва керак бўлмаган пойабзални харид қилишингиз мумкин. Баъзида кишининг эътиборини ўзига тортувчи чиройли ва ноодатий моделлар ноқулай бўлади, уларни кундалик кийим билан бирга кийиш ҳам мураккаблашади.  Пошнали ёрқин туфлилар ёки баланд шпилька пошнали очиқ босоножкалар оёқларингизни чиройли қилиб қолмасдан, уларга бир талай кўнгилсизликларни ҳам келтиришга қодир. Ушбу мавсумда аксарият дизайнерлар қулайликка алоҳида эътибор қаратишган. Етакчи модельерлар қулайлик ва мода тенденцияларини енгиллик билан бирлаштира олганлар ва бу билан аёлларимизни хурсанд қилганлари шубҳасиз.

Шаҳзоданинг «Сени севаман» деб номланувчи янги қўшиғи бўйича тасвирга олиш ишлари муваффақиятли якунланди. Видеоклипни суратга олиш ишлари Москвадаги тасвирга олиш павильонларидан бирида амалга оширилди. Клип Россиянинг таниқли режиссёрларидан бири Павел Худяков томонидан тасвирга олинди. Таъкидлаш жоизки, Павел Худяков Томас Андерс, Snoop Dogg, Busta Rhymes каби Европа ва Америка юлдузларининг клиплари устида ишлаган россиялик ягона режиссёр ҳисобланади.Шаҳзоданинг ўзи бажарган қизиқарли трюклар билан кечадиган ҳушингизни ўғирлайдиган сюжет, ғаройиб декорациялар ва динамика – буларнинг барчаси қўшиқчининг «Сени севаман» видеоклипида мужассам этган. Шаҳзоданинг ўзи эса клипда турли янги ва қизиқарли образларда намоён бўлади.

Ўз фотосуратларингизни томоша қилганингизда улар сизга омадсиз ва нотабиий чиққандай туюладими? Бир нечта тавсияларга амал қилсангиз, фотосуратларда чиройли чиқиш санъатини эгаллаб оласиз, бунинг учун фотобоп бўлиб туғилиш шарт эмас.