Гўзаллик

Динейранинг гўзаллик сири

Одатда, шоу-бизнес вакиллари, эстрада ижрочилари ва умуман оқсуяклар ташқи кўринишларини бенуқсон қилишга ҳаракат қилишади. Улар ўзларига жамоатчиликнинг диққатини тортган ҳолда юзларидан доим саломатлик ва гўзаллик нури ёғилиб туради. Биз улар бунинг уддасидан қандай чиқишлари билан қизиқдик. Хўш, уларниг гўзаллик сири нимада? Бугун ушбу саволимизга ўзбек шоу-бизнеси вакиласи, хонанда Динейра жавоб беради.

У бизга қуйидагиларни гапириб берди:

”Менимча, ҳар бир қизда ўзининг гўзаллик сири бор. Масалан, баъзилар спортни яхши кўради, бошқалар эса ёқтирмайди ва парҳез тутишни афзал кўради. Мен эса, жуда ҳаракатчан одамман, бир жойда ўтира олмайман. Шу боис спорт, рақс, йога, югуриш, сузиш ва чанғида учиш – менинг жону-дилим, уларсиз ҳаётимни тасаввур қилолмайман.

Парҳезни эса умуман ёқтирмайман, ўзим истаган овқатни ейман, ўзимни ҳеч нарсадан бебаҳра қилмайман. Худога шукур, ширинликни унча хуш кўрмайман. Киши соғлиғига доим эътибор қилиши керак, деб ҳисоблайман, чунки тери ва сочларнинг аҳволи айнан соғлиққа боғлиқ.

Албатта, табиат сенга инъам этган гўзалликни сақлаш ва уни яхшилаш керак. Вақти-вақти билан косметологга бориш, турли ниқоблар қилиш, сочларни парваришлаб туриш, витаминлар қабул қилиш, ҳордиқ чиқариш, массажга бориб туриш лозим, деб ҳисоблайман. Буларнинг барчасига кўп вақт кетади. Аммо биз доим яхши кўринишда бўлишимиз керак, касбимиз шуни тақозо этади, шунинг учун ҳам шоу-бизнесга алоқадор кишилар ўз мавқеларига мос бўлишга ҳаракат қилишади.

Гўзалликнинг энг катта сири эса – бу, шубҳасиз, муҳаббат! Чақнаб турган кўзлар, табассум, қушдай енгил қадамлар, яхши кайфият, кишидан нур ёғилиб туриши...

Муҳаббат осмонида парвоз қилаётган қиз айнан шундай кўринади ва бу муҳаббат унинг ўзидан ҳам ёғилиб туради! Шахсан ўзим ҳам бир маслаҳатни бермоқчиман – қандай бўлсангиз, шундай табиий бўлинг! Ҳиссиётларингизни очиқ изҳор этинг! Атрофингизда севимли дўстларингиз, дугоналарингиз бўлсин, истасангиз мақтовлар айтинг, истасангиз кулинг, йиғлашни хоҳласангиз йиғланг ва агар севсангиз, муҳаббатингизни албатта изҳор қилинг! Шунда ҳаёт анча ёрқин ва қизиқарли, қалбингиз эса гўзал ва очиқ бўлади. Бу энг асосийси!”.

Хонанданинг гапларига кўшилган ҳолда қуйидагиларни умумлаштиришимиз мумкин:

1. Фаол ҳаёт тарзига амал қилинг, спорт билан шуғулланинг;

2. Косметологга бориб туринг, индивидуал зарур бўлган пардоз процедураларини қабул қилинг;

3. Севинг ва севилинг, шунда сиздан нур таралиб туради;

4. Иложи борича табиий бўлинг ва ўз ҳиссиётларингизни яширманг.

Шундай қилиб, гўзалликнинг баъзи сирлари очилди, уларга амал қилиш ёки қилмасликни ўзингиз ҳал этинг!

Материални Олия Абдунабиева тайёрлади

Чоп этилди: 05 январь 2010, 15:47

Шархлар

Azizbek

16 январь 2010, 23:42

vapshe narsa ekan !

Sherzod

16 февраль 2010, 18:53

Raqsga tushgin!

Shirin

17 февраль 2010, 04:54

Dineyrani go'zal deb o'ylamayman. Uning go'zalligi menimcha Makiyaj va Photoshopda! Nimaga suratlarda tabiiy emassiz? Kundalik xayotda-chi....

Комола

09 апрель 2010, 13:02

CАЛОМ ДИНЕЙРА манга сизни қўшиқлариздан ташқари кўринишингиз ҳам ёқади сизни маслахатларингизга 100% қўшиламан рахмат.

xurshid

11 июнь 2010, 20:33

salom hammasi ajayib

Max

30 июнь 2010, 01:33

Dineyra xafa bo'menu man sizi capshe chiroyli dib xisoblamiman no lekin xama qo'shiqlariz yoqadi ayniqsa Shoxruxxon bilan kuylagan Manzillar qo'shig'ila judayam yoqadi

Bek

03 июль 2010, 13:14

Juda chiroylisiz ayniqsa...

та шарх: 7 | та сахифа:

Шархни кўшиш

Ушбу бўлимдаги охирги маколалар