Уйда тайёрланадиган олчали пирог рецепти

Олдин менинг севимли рецептим бўйича хамиртурушли хамир қорилади: 100 г сарёғ ёки маргарин эритилади ёки эзилади, унга тўлдирилган 2 ош қошиқ шакар, бир пакетча француз хамиртуруши, 1 стакан сут, 2 ош қошиқ ун қўшилади. Ҳаммаси яхшилаб аралаштирилиб, ошириш учун олиб қўйилади. Кейин унга туз, 2 та тухум ва тахминан 400 г элакдан ўтказилган ун қўшилади. Хамир яхшилаб қорилиб, яна ошириш учун олиб қўйилади. Сўнгра унга 1-2 ош қошиқ кунгабоқар ёғи қўшилиб, яна бир марта қорилади.

Хамир учинчи бор ошганида, у тайёр ҳисобланади. Одатда бу рецептни турли хамирлар учун, яъни шакар қўшилган ва қўшилмаган хамирлар учун ҳам қўллайман.

Хамир ошгунга қадар, пирогнинг ичига солинадиган масаллиқни тайёрласа бўлади. Пирогга олчани солишдан олдин, бир қават творогли қатлам қиламан. Биринчидан, творог олчанинг шарбатини ўзига сингдириб олади, иккинчидан эса, у хамирнинг қотиб қолишига йўл қўймайди. Одатда мен бу усулдан сувли мевалардан пирог тайёрлаганимда фойдаланаман.

Шундай қилиб, творог вилка билан яхшилаб эзилади ва унга 2 ош қошиқ шакар ва 1 та тухумнинг оқи қўшилади (қолган тухум сариғидан пирогнинг устига суриш учун фойдаланиш мумкин). Кейин ванилин сепилади.

Олча данаклари олиб ташланади.

Хамир кўтарилганидан кейин, у тунука товага солинади, четларида озгина ортиқча хамир қолдирилади. Сўнгра устига бир қават творог массаси сурилади, унинг устига эса олчалар солиб чиқилади. Кейин четларидаги ортиқча хамирдан чиройли қилиб деворча шакллантирилади.

Пирогнинг четларига қолган тухум сариғи сурилади ва духовкага қўйилади. Пирог тахминан 40 дақиқа 180-200 градус ҳароратда пиширилади.

Олчали пирогни тайёрлаш учун тезда қилинадиган менинг рецептимдан фойдаланишингиз мумкин.

Ёқимли иштаҳа!

bankreceptov.ru