Қоронғулик. Сага. Зулмат.

 Дўстга жўнатиш    Когозга чикариш

Қон сўрувчи одамлар, яъни вампирлар ҳақидаги шов-шувга сабабчи бўлган сага мухлисларни навбатдаги кино асари билан хурсанд қилди. Сюжет линиясининг ёрқинлиги, лол қолдирадиган махсус эффектлар, ажойиб мусиқа бутун фильм давомида одамни ўзига тортадиган ҳақиқий муҳитни яратган.

 

 

“Қоронғулик. Сага. Зулмат” фильми Стефани Майернинг машҳур асари бўйича тасвирга олинган учинчи кинолента бўлиб, ўсмирлар аудиторияси орасида катта шов-шувни туғдирди. Премьера кунида барча кинотеатрлар завққа тўлган томошабинларга тўлиб кетди.   

 

  

Сагадаги бош қаҳрамонлар Белла, Жейкоб ва Эдвард ўртасидаги авж оладиган муҳаббат учбурчаги картинанинг асосий сюжет линияси ҳисобланади. Одамни ўзига тортадиган ушбу қаҳрамонларнинг оддий юмор билан йўғрилган ноанъанавийлиги комедия шаклида тақдим этилган. Бу фильмни томоша қилгандан кейин ҳам кишилардаги ижобий кайфиятни сақлаб қолади. Фильмдаги комедия-романтик эпизодлардан ташқари вампирлар ва ҳайвон шаклига кира оладиган одамлар ўртасидаги жанг саҳналари кишини ўзига тортади. Актёрларнинг ижроси профессионал бўлиб, улар қаҳрамонларнинг кечинмаларини экран орқали тўлиқ бера олган. Фақат Кристен Стюарт (Белла Свон)нинг ўзгармайдиган юз ифодаси ҳамда умуман қўрқинчли бўлмаган чинни ҳайкалча Брайс Даллас Ховард (Виктория) таассуротни бузади холос.     

 

“Зулмат”  фильмининг сценарийси динамикаси ва Форксдаги сирли табиат манзаларининг гўзаллигини тасвирга олган операторнинг сифатли иши саганинг бундан олдинги қисмларидан ҳам яхшироқ. Бош қаҳрамон Эдварднинг гримидаги ижобий ўзгаришларни сезмасдан қолмайсиз. Лаб бўёғининг йўқлиги актёрга жуда ярашган. Фильм продюсерлари яна бир бор саундтрек танлаш борасида ўз иқтидорларини намойиш этишди. Британиянинг Muse гуруҳи ўз ижодида картинанинг бироз кескин кайфиятини акс эттира олган.

 

Сага ҳатто романтик саҳналарда мудраб ўтирадиган ва кинолентани соддадил ўсмир қизлар томоша қиладиган фильмлар қаторига қўшадиганлар томоша қилиши учун ҳам муносиб деб ўйлаймиз. Картинадаги динамика ва кульминация экшни ҳатто унчалик қизиқмайдиган томошабинни ҳам зериктирмайди. Ушбу фильмни кино санъати дурдоналари сирасига қўшиш қийин, албатта, аммо бу ҳолат пойтахтимиздаги кинотеатрлардан бирида кечани фильмни томоша қилган ҳолда ёқимли ўтказиш учун яроқсиз дейишга асос бўла олмайди.    
 

та шарх: 0 | та сахифа: